
2008-02-14 | 17:25:37
Txirrindularitza
Aitor Perez Arrietak bigarren bukatu du Mallorkako Itzulian
Gilbert irabazlearen denbora berean sailkatu da zegamarra
Oztopoak oztopo, txirrindularitza denboraldia bikain hasi du Aitor Perez Arrieta zegamarrak. Aurreneko itzulian, Mallorkako Txallengean, bigarren postua lortu du sailkapen orokorrean, Philippe Gilbert belgikar (Francaise des Jeux) irabazlearen denbora berean.
Extremadura Spiuk taldeko Perez zegamarrak kolokan zuen denboraldi hasiera, taldearen bigarren babesleak diru laguntza kentzea erabaki ondoren. Hala ere, taldekideek egindako ekarpenarekin lortu dute Mallorkako proban parte hartzea.
Gaur bukatu da bost etapako txallengea. Perezek 2005ean ere lortu zuen proba horretan azken podiumean egotea. Gaur, Palmanovan bukatu den bosgarren eta azken etapa Pert Steegmans-ek irabazi du.
Sailkapen orokorrean Gilbert-en eta Perez Arrietaren ondoren Haimar Zubeldia (Euskaltel-Euskadi) izan da hirugarren.
Parte hartu | Zure mezua bidali
Parte hartzeko arauak
© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta: goierri@goierrikohitza.info
Internet Ehuntzen S.L.-k garatua
Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.