Edukira joan

Goierriko Hitza

Zegama
2008ko urriak 12, Igandea

2008-05-26 | 10:01:14

Zegama-Aizkorri maratoia 390 lagunek bukatu dute

Irten 467 korrikalarik egin zuten, izena emanda zeudenak baino bat gutxiagok

Zegama-Aizkorri mendi maratoiaren zazpigarren ekitaldia aspaldiko gogorrenetakoa izan zen igandean, proba bukatu zuten partaideen kopuruak adieraz lezakeen modura. 390 lagunek bukatu zuten lasterketa (467tik). Kilian Jornet katalanak eta Corinne Favre frantziarrak iazko txapelak berritu dituzte. Jornetek lau orduz azpitik bukatu zuen maratoia (3:59:33), baita bigarren sailkatu zen Raul Garcia espainiarrak ere (3:59:45), bukaera estuan. Favrek 5 ordu eta 46 segundoan osatu zuen ibilbidea, azkenean jatorrizkoa izan zena, eguraldiaren baimenarekin.

Kilian Jornet katalana gizonezkoetan eta Corinne Favre frantziarra emakumezkoetan izan ziren azkarrenak VII. Zegama-Aizkorri mendi maratoian. Orain arteko probarik jendetsuena izan da aurtengoa, 468 korrikalari zeuden izena emanda eta dortsalaren jabe, eta 467 abiatu ziren. Lainoz estalita esnatu zuen egunak, baina azkenean, probak iraun zuen bitartean ez zuen euririk egin. Urtero bezala, jendetza bildu zen.

Lehenengo goierritarra Juanjo Igartzabal zumarragarra izan zen Zegamako helmugan (4:25:06), sailkapen orokorrean 12. egin zuen. Lehen euskalduna, berriz, Joxe Felipe Larrazabal okondoarra da gizonezkoetan; 5. postuan sartu zen (4:14:33). Emakumezkoetan Alizia Olazabal (5:17: 38).

Europako txapeldun Jornet eta Favre dira.

 

zabaldu.com
bildu.net
digg.com
del.icio.us

 

Jasotako erantzunak:

Mezua idatzi

3

Goierritar bat | 2008-05-27

Aspaldiko kontua da hau eta ez dago itsuagorik ikusi nahi ez duena baino -eta urteak daramagula Hitza etxean jasotzen, eta oraindik halakorik ikusi behar... Goierri garaiko herritarrok, lazkaotarrak edo itsasondoarrak bezain goierritarrak gara... eta hala ageri da idatzita Gipuzkoako Foru Aldundiko agirietan (egunkari honetako arduradunei galdetu diezaietela bestela, zergatik jasotzen dugun Hitza Goierri garaiko herriotan). Eta horra -Aldundiko dokumentuetara- jo behar da, eta ez euskarazko Wikipediara (sikiera gaztelaniazkora, bertan ageri baikara "Goyerri" (sic) eskualdean). Benetan, zero patatero Zegamako antolatzaileei... egindako akatsa onartu beharko lukete, eta datorren urteetan horrelakorik berriz gertatu ez dadin saiatu.

2

Goierritar bat | 2008-05-27

Aspaldiko kontua da hau eta ez dago itsuagorik ikusi nahi ez duena baino -eta urteak daramagula Hitza etxean jasotzen, eta oraindik halakorik ikusi behar... Goierri garaiko herritarrok, lazkaotarrak edo itsasondoarrak bezain goierritarrak gara... eta hala ageri da idatzita Gipuzkoako Foru Aldundiko agirietan (egunkari honetako arduradunei galdetu diezaietela bestela, zergatik jasotzen dugun Hitza Goierri garaiko herriotan). Eta horra -Aldundiko dokumentuetara- jo behar da, eta ez euskarazko Wikipediara (sikiera gaztelaniazkora, bertan ageri baikara "Goyerri" (sic) eskualdean). Benetan, zero patatero Zegamako antolatzaileei... egindako akatsa onartu beharko lukete, eta datorren urteetan horrelakorik berriz gertatu ez dadin saiatu.

1

2008-05-27

Zegama Aizkorriko antolaketari mezu hau eldu arazi nai nieke. Nola den posible igandean, lehenengo goierritarra bezala, "Garmendia" ri edo saria eman eta Juanjo Igarzabal Zumarragakoa, izanda Goierritarra ez dela esan zutenez, saririk gabe utzi. Bakoitzari berea eman,inori meritorik kendu gabe noski. Wikipedia.org. argi eta garbi agertzen da Goierri-n ze herri sartzen diren, jakin nai duenarentzat. JUANJO IGARZABAL DEBA , TXAPELDUN.ZORIONAK........

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.